مرحوم يا وقت بالاحسـان مذكـور

[youtube][[الكلماات]] يقول الشاعر : هب البراد وهيض القلـب عصفـور واشتقت لبـروق الشمـال ورفيفـه سجلت ما يطري على البال بسطـور وش عاد لو ما بـه جديـد نضيفـه مرحوم يا وقت بالاحسـان مذكـور وقـت الجمايـل والقلـوب النظيفـة الطيب يجزى طيب والعيب مستـور يـوم ان اهلنـا يقسمـون الغريفـه واليوم وقت الكذب والظلم والـزور وقت على الاجـواد طـول خريفـه الحـق ينقـص والمبـادي بحـادور و اوجس بقلبـي مـن تواليـه خيفـه مشكور ياللي صمم الجيب مشكـور شفنا الصحاري صار نعـم الخليفـه زينات ركب الكور مضى لهـن دور واليـوم دور اللـي علومـه مطيفـه اشتاق للمشى ويصبر علـى الجـور يبعدك عن فـوض المدينـة وزيفـه وينوز لو دربه غـرازات ووعـور كـم مـرة وصـل وليـف وليـفـه مع الوعر في مشيته طيش وغـرور ومع السهل تسمـع لمشيـه وحيفـه وحنا من الشامة اليا كتيفـة الخـور ليا عويرض الغربـي لحـد الحليفـه شمال لين حدود عرعر وابـا القـور دجنـاه لـو كانـت علينـا كليـفـه نقـوم للمقنـاص مـع فجـة النـور خمسـة جيـوب والحمولـه خفيفـه منقيـة بـس المعامـيـل وطـيـور ولا يخاويـنـا خـطـاة الهديـفـه متفاهميـن والخـوي دوم مـعـذور حتـى اللغيفـه بينـنـا بالنصيـفـه نهارنـا يمضـي مداويـر وسبـور والليـل وقـت مثمنـات طريـفـه ويا ما حلى يا صرت باطراف منظور ربيـع وشعـاف الثـريـا مريـفـه والعشب زان وزين القـاع بزهـور تشابـك النـوار مـثـل القطيـفـه انا اشهد ان القلب دالـه ومسـرور معذور حتى لـو تركـت الوظيفـه اقولهـا والعبـد منهـي ومـامـور هـذا هـواي وكـل حـي بكيـفـه

المصدر: منتديات رغد الشمال - من قسم: - روحآنيةة مُسلم ومِسًـلَمِة ,صَوتيآتْ إسلآمية

---

lvp,l dh ,rj fhghpsJhk l`;J,v lvp,l

:,
مسآإء الوردُ.. والخير ,
......... آهلاً هَلا. .,
.. ..
من آجمل الآناشيدُ.ُ . لاهنت .~
،

المشاركة الأصلية كتبت بواسطة طـهـر غيـمـه :, مسآإء الوردُ.. والخير , ......... آهلاً هَلا. ., .. .. من آجمل الآناشيدُ.ُ . لاهنت .~ ،

حياكم الله
وشكراً ع الحضور الطيب

رووووعةة الكلمات
عسسسآك على القوةة أخوي "ماجد"
يعطيك ربي كل العافية

المشاركة الأصلية كتبت بواسطة juman96 رووووعةة الكلمات عسسسآك على القوةة أخوي "ماجد" يعطيك ربي كل العافية

الله يقويكم


وولاهنتي ع المرور الطيب

كلمات هيضت مشاعري
سقى الله هاك الآيام

يعطيك العافيه اخوي

تسلم أناملك
اختيار موفق
بارك الله فيك
وتسلمي على الطرح