ياحلو الصراحة ويازين الوضوح

ويارقي العذر وياسمو التسامح

اليوم انا ناصح وبكرة منصوح

وبارك الله في من ديدنه التناصح

لابذي لسانه ولاهو لخلق الله فضوح

ومافاد اهل القرون كثر التناطح

كلمتي عامة هذا مجمل البوح

موزونة بميزان اعيها ماني بشاطح

اليوم جيت جديد صافي،، على صافي،، وانا بشر لأحوالي اكرر واعيد، اشوف مازاد ومانقص من الرصيد

احاول دوماً الصبر يكون الحافي،، وقدمي ليس من التأني حافي،،بيدي العلاج لا تخدير التبرير

ماادعي انا الملاك العرافي،،اشوف وغيري ماشافي،، اخطي يصير،، ايه ليه مايصير

ولاحطيت برج ومشرافي،،اقرّب هذا وذاك له نافي ،، ارقب في الموارد والمصادير ،، هذا طويل ولا قصير


واعوذبالله من قلبٍ قاسي جافي،، الحب عنه مبعد والكره له لافي،،مافيه من موائد الخير ،، يسعد بسقطت الضرير


واعوذبالله من لسانٍ صرافي،،في الخلق محراث وجرافي،،يكسر العظام تكسير ،، ويشيّب راس الغرير


ياحلو التسامح ظله ضافي ،، وعسل ريقه كل وافي،،والمعطي كما المطر الغزير ،، تنبت في ارضه ازهار النواوير


والمحبة شمسٍ شعاعها كافي ،،في يوم جوه صافي،،هنيئاً لقلبٍ يتسع للصغير والكبير


في الختام:


ماتقدم مشاعر انا بها شاعر ونطقتها لنفسي اراجعها واذاكر،ولعل يستفيد منها قاري يدعي لي واكون له شاكر

لااعني بها أحد وبالله القسم،،واعرف مايسمُ مشاعر الناس لمشاعري اَسَّمْ...

اهٍ ياعصر التلاحم ،، مالنا غير الله ولي وراحم،، في عالم التمدن والتزاحم

(ياليت عصرٍ مضى يعود،، نذكره كل ماهبت هبايب النود)


القريب قريب من قلب قريبه،،ولايدخله لاشك ولاريبة،، كلٍ منهم يزيد الثاني طيبٍ على طيبه


(ياليت عصرٍ مضى يعود،، نذكره كل ماهبت هبايب النود)


والجار قلب جاره داره،،مايضره يعتبره ضاره،،صندوق سعادته واسراره

(ياليت عصرٍ مضى يعود،، نذكره كل ماهبت هبايب النود)

لاشك بعصرنا الحاضر خير،، وكثير فيه اهل الخير ،، ومضة مني على مامضى لاغير

(ياليت عصرٍ مضى يعود،، نذكره كل ماهبت هبايب النود)

الإختصار يكفي عن الشرح


لاتظلم لاتخاف الدعاء


ومن يدعي الجرح


الضماد بعدالله الشفاء


وبعيد عن الجمع والطرح


طب القلوب الصفاء

ياملحقٍ الناس بكثر اللوم


انشغل بحالك وخل الناس بحالها



سماك بين صافي وملبد بغيوم



ودلوّك لاتروي بها قصيراتٍ احبالها



والبضاعة بين من يشري مين يسوم



لاتشتري من البضايع الا جزالها

رسالة ابعثها مع حمام زاجل


الكلمة لها حجم ووزن اصناف وانواع


احدٍ يتحكم بها عقل عاقل


ويوزنها ميزان المد والصاع


وبعضها ينقلها لسان ناقل


ماهمته لو بها نقص انصاف وارباع

صف صافيك وصفه فصافيك للصافين انصافي

الله اكبر الله اكبر الله اكبر



لاإله الا الله



الله اكبر الله اكبر



ولله الحمد

سبحان الله والحمدلله ولاإله الا الله والله اكبر

الله اكبر الله اكبر الله اكبر



لاإله الا الله



الله اكبر الله اكبر



ولله الحمد