منتديات رغد الشمال - الصدق مفتاح القلوب

الصدق مفتاح القلوب المقافيل
ياماحلا طعمه ولونه وريحه

لونه بياض وريحته كنها الهيل
ولذمن طعم الشفاه المليحه

بس اعذروني ماعلى الوصف تهويل
ايجمل الاخلاق لوهي شحيحه

له وقفه عند النساء والرجاجيل
ما يثبت الا فا لنفوس الصحيحه

لو هو مره ما ضيعوهالمشاكيل
ولوهو رجل مافيه بنت (ن) تزيحه

اتعب على الصادق وكب المهابيل
هذي النصيحه كان تبغي النصيحه

والكذب ما حبه ولا فيه تحليل
يا خنز ريحه والوصايف قبيحه

لونه سواد(ن) مجهم كنه الليل
واجمل وصوفه سرعته في مطيحه

ماتلقته مرات لو جبت دربيل
لكن تحرصه يوم تسمع فحيحه

حبله قصير وقطعته المقابيل
هراجه المقفي تعده ذبيحه

وامسيلمه وبليس والقال والقيل
ذولي معازيمه وياهي فضيخه

جنب عن الكذاب مافيه تبجيل
لاحله الله لا والله يبيحه

http://files.maas1.com/images_cache/...163815sjWJ.jpg