المساعد الشخصي الرقمي

مشاهدة النسخة كاملة : لوخســـرتك ماخســـرت العمـــر والدنيـــا متـــاع


جنون انثى
08-04-2013, 07:25 PM
لو خسرتك ماخسرت العمر .. والدنيا متاع ..
وادري اني لوخسرتك ماخسرت .. الاقليل ..

بس فكر زين .. تعرف من خسر فينا .. وضاع ..
وتعرف انك لو تلف الارض .. وتدور بديل ..

والله ان تبطي .. ولو لفيت في كل البقاع ..
ولو تسوى وش تسوي ما انت لاقي لي مثيل ..

وين تلقى مثل شخصي شخص .. وطباعي طباع ..
ووين تلقى مثل قلبي قلب .. او مثلي خليل ..

البشر واجد .. نعم .. لكن فرق الانطباع ..
يجعلك يمي تميل .. ويم غيري ماتميل ..

يارفيقي .. انتبه .. واحسن الي الاستماع ..
للمواقف دور في كشف المزيف .. والاصيل ..

وانت ماقصرت فيني موقفك .. جدا شجاع ..
طعنتك في الظهر فعلا كانت اثبات ودليل ..

بيض الله وجهك اللي ساتره تحت القناع ..
ورايتك بيضا معاي وياعسى عمرك طويل ..

يعني اعطيك الثقه وتردها بـ " لوي " الذراع ..
ياخي ماشاءالله عليك ابدعت في رد الجميل ..

مدري كيف اشكرك مدري كيف ارد الصاع صاع ..
كنت احسبك انك عزيز نفس .. تطلع لي ذليل ..

كم وانا عييت اصدق فيك قدر المستطاع ..
من غبائي كنت اسكت واعذرك .. واثر الحصيل :

جرح قلب .. ميزته في كل يوم الاتساع ..
ودمع عين ينهمر من ضيقتي .. في كل ليل ..

والله اني كنت احبك حب .. واتبعك اتباع ..
كنت لجل ارضي غرورك بس اسوي المستحيل ..

كنت اعمى فيك .. لا لا .. كنت ميت لنخاع ..
كنت مدري كيف ؟ لكن كنت صادق معك حيل ..

كنت امارس في غرامي لك سياسة الانصياع ..
وكنت لاغي معك فكرة اعتزل او استقيل ..

اندفعت بكل مافيني .. وسوء الاندفاع ..
يجبر الانسان احيانا .. يفكر بالرحيل ..

صدمتي فيك انت .. خلتني افكر باقتناع ..
ان قتل النفس راحه لو انا كنت القتيل ..

انفجر راسي من التفكير .. وزاداد الصداع ..
كيف انا بفتك من جرحك ودوشة " قال وقيل "

صرت سيره في حلوق الناس .. وتالي هالضياع ..
" انتحر ؟ معقول ! يالله وش هذا الغليل ؟

رحمتك يارب لا من ضاقت امنحني وساع ..
انت حسبي في زمان الجاير ونعم الوكيل ..

لاغدى " مستقبلي والماضي " اطراف النزاع ..
وصفحة الماضي سواد وشي من هذا القبيل ..

فلازم انسى لجل انهي بداخلي هذا الصراع ..
ولازم اتقوى .. عشان احقق النصر الجليل ..

وطالما ان الهجوم افضل وسيله للدفاع ..
مستحيل ارضخ لو ان الحمل ياربعي ثقيل ..

والبخيل اللي نساني واشترى فيني .. وباع ..
يذلف .. الله لا يرده .. والله بجرحي كفيل ..

وان سأل عني وجاكم بعد فتره انقطاع ..
علموه اني نسيته بس انا ماني بخيل ..

طالما كان السبب في قوتي .. قبل الوداع ..
بلغوه اقل شي بخالص الشكر الجزيل ..

_ كـــــادي _
09-04-2013, 02:55 AM
آختيـآآآآآر ذووووق ورآآآآقي ...


تسسلم الايآدي يالغلآ ... يعطيكِ العآفيه ...
آبدعتِ بطرحك العذب والرووووعــآآآ ... ننتظر القــــــــــــآدم ...

مآننـــــــــــــحرم يآرب ...




تقديـــــــــــــري

juman96
04-05-2013, 09:32 AM
سلمت يمناك على روعة انتقاءك
عسسسآك على القوة يعطيك ربي كل العافية :152:

مُزُنْ
20-05-2013, 03:20 PM
تسلم الآيادي ي الغلآ ,
يعطيك ربي العافيةة
ماننحرمُ منك ولا . من جمالً مواضيعكً الرائعهً